وَالنَّجْمِ

اِذَا

هَوٰی

۟ۙ

Pasha yllin kur bie!

Shoku juaj nuk ka humbur, e as që ka devijuar

Dhe ai nuk flet nga dëshira

Ajo nuk është tjetër pos shpalljes që i shpallet

Atë ia mësoi fuqiforti (Xhibrili)

Që ka mendje precize dhe që u përqëndrua në formën e vet

Dhe ai (Xhibrili) ishte në horizontin e lartë

Pastaj u lëshua dhe iu afrua

E ishte afër sa dy harqe, apo edhe më afër

Dhe i shpalli robit të Tij (All-llahut) atë që ia shpalli.

Zemra nuk mohoi atë që pa

A po i bëni polemikë atij për atë që ka parë?

Ai e ka parë (Xhibrilin) edhe herën tjetër

Te Sidretul Munteha

Pranë së cilës është xhennetul Me’va

Atëherë kur Sidrën e mbuloi ajo që e mbuloi

Shikimi i tij nuk lakoi e as nuk tejkaloi

Ai vërtet pa disa nga shenjat më të mëdha të Zotit të vet