اِقْرَاْ

بِاسْمِ

رَبِّكَ

الَّذِیْ

خَلَقَ

۟ۚ

پڑھیے اپنے اس رب کے نام سے جس نے پیدا کیا۔

انسان کو پیدا کیا ہے اس جونک کی طرح کی چیز سے جو رحم مادر میں چمٹ گئی تھی۔

پڑھیے اور آپ کا ربّ بہت کریم ہے۔

جس نے تعلیم دی ہے قلم کے ساتھ۔

اور انسان کو وہ کچھ سکھایا ہے جو وہ نہیں جانتا تھا۔

کوئی نہیں ! انسان سرکشی پر آمادہ ہو ہی جاتا ہے۔

اس بنا پر کہ وہ اپنے آپ کو مستغنی دیکھتا ہے۔

یقینا تجھے اپنے رب کی طرف لوٹ کر جانا ہے۔

کیا تم نے دیکھا اس شخص کو جو روکتا ہے۔

(ہمارے) ایک بندے کو جب وہ نماز پڑھتا ہے۔

کیا تم نے غور کیا اگر وہ شخص ہدایت پر ہوتا ؟

یا وہ تقویٰ کی تعلیم دیتا !

کیا تم نے سوچا کہ اس نے جو جھٹلایا ہے اور منہ موڑ لیا ہے۔

کیا یہ جانتا نہیں کہ اللہ دیکھ رہا ہے !

ہرگز نہیں ! اگر یہ باز نہ آیا تو ہم گھسیٹیں گے اس کی پیشانی کے بال پکڑ کر۔

وہ پیشانی کہ جو خطاکار ہے جھوٹی ہے۔

تو وہ بلا لے اپنی مجلس کے لوگوں کو۔

ہم بھی بلا لیں گے جہنم کے فرشتوں کو۔

کوئی بات نہیں ! (اے نبی ﷺ آپ اس کی بات نہ مانیے آپ سجدہ کیجیے اور (اللہ سے اور) قریب ہوجایئے !